X

مرحبا بك في منصة مدرسة اون لاين المتخصصة في الإعلان عن نتيجة الشهادة الإعدادية حيث نقوم بنشر نتائج جميع المحافظات ويتم الاستعلام عنها بالاسم فقط او رقم الجلوس كما يمكن معرفة درجاتك في جميع المواد والمجموع والنسبة المئوية وترتيبك علي المدرسة والادارة والمحافظة والعديد من الخدمات الأخري المميزة انضم لـ قناة مدرسة اون لاين علي تليجرام أو واتساب أو ماسنجر لتصلك آخر أخبار النتيجة وموعد إعلانها ورابط الحصول عليها بشكل مباشر .

يعنى إيه الشهادة الإعدادية وإيه الخطوة اللي بعد كدا

 يعنى إيه الشهادة الإعدادية وإيه الخطوة اللي بعد كدا
شارك
تم النشر: منذ 4 سنوات

الشهادة الإعدادية مصطلح جديد على طلاب الصف الثالث الإعدادي عشان كدا قررنا نعمل الموضوع ده ونوضح بعض النقاط المهمة فيما يتعلق بالمرحلة دي .

 

بداية التعليم بينقسم لعدة مراحل أول مرحلة هي المرحلة الابتدائية من أولي لغاية سادسة ابتدائي وتاني مرحلة هى المرحلة الإعدادية من أولي إلى ثالثة إعدادي وثالث مرحلة هي المرحلة الثانوية من أولي لثالثة ثانوي ورابع مرحلة هى التعليم المتوسط ورابع مرحلة هى التعليم الجامعي .

 

التعليم الابتدائي والإعدادي ماعتقدش فيه تفاصيل مبهمة أو كتير نتكلم فيها إنما الثلاث مراحل اللي بعديهم هما اللي فيهم تفاصيل كتير.

 

من بعد الشهادة الإعدادية بيكون فيه اكتر من مسار هتمشى فيه زي انك المرحلة الثانوية بس المرحلة الثانوية مش ثانوية فقط لا دي ثانوية عامة أو ثانوي صناعي أو ثانوي زراعي أو ثانوي تجارى وثانوي تمريض .

اما التعليم المتوسط أحيانا بتلجأ ليه بعد ثانوي سواء عام أو صناعي أو تجارى أو زراعي بس لما مش بتجيب مجموع فبتضطر تدخل تعليم متوسط زي معهد فني تجارى أو معهد فني صناعي ودى بتكون معاهد سنتين تقدر تكتفى بيها أو تدخل بعدها كلية زي كلية تجارة أو كلية هندسة .

اما التعليم الجامعي بيكون 4 سنوات بعد الثانوي العام زي كليات طب وصيدلة وهندسة وحاسبات ومعلومات وتجارة وحقوق وغيرهم من الكليات .

 

عشان كدا الشهادة الإعدادية تعتبر مهمة لأنها مفترق طرق لحاجات كتير وكمان مش أي حد هينجح فى ثالثة إعدادي هيدخل ثانوي اللي يختارها لا الأولوية بتكون للمجموع يعنى لو عايز تدخل تمريض ودى بتقبل من اعلي مجموع دلوق لازم مثلا تجيب 240 من 280 فما فوق . وثانوي عام لازم تجيب مجموع بردو من 220 فما فوق .


شارك